Vá - hvar skal byrja, svo margt hefur gerst síðan ég bloggaði síðast.

Daninn komst aldrei til Eyja greyið, það var ófært svo að Halldór skellti sér með seinni ferð Herjólfs á laugardaginn til að reyna allavega að hitta hann aðeins. Frekar leiðinlegt því þeim danska langaði svo svakalega að koma til Eyja.

Gylfi bróðir náði til Eyja og síðasta föstudag kíktu hann og átta aðrir sálfræðingar til mín í heimsókn á safnið. Þeir útskrifuðust saman frá Árósarháskóla fyrir mange ár siden og hafa alltaf haldið hópinn. Hress og skemmtilegur hópur og gaman að fá þá í heimsókn.

Ég kláraði kjallarann, reyndar eftir að klæða loftið en Halldór klárar það á næstu vikum. Síðasta mánudag var ég svo með hönnuð í heimsókn á safninu frá Reykjavík sem er að hanna sýningu fyrir 7. nóvember næstkomandi. Á milli þess sem við hönnuðurinn vorum að plotta og plana var ég að stelast í símann til að safna mannskap í að tæma gáminn inní kjallara; multi-tasking kicks ass! Arnór, Orri, Simmi, Baldvin og Heiða komu að hjálpa okkur og tæmdum við smekkfullan gáminn á klukkutíma! En shit hvað maður á mikið af drasli! Jæja...

Í gær ákvað ég að drífa mig í bæinn með Heiðu gegnum Bakka svo ég næði pottþétt í safnaskólann. Fyrst að þessi blessaði dallur sem leysir Herjólf af er svona óáreiðanlegur var bara alls ekkert víst að maður kæmist frá Eyjunni. Fannst reyndar mjög einkennilegt að hafa ekki kvatt krakkana formlega (þetta var ákveðið mjög skyndilega) enda fékk ég sko að heyra það frá skellibjöllunni í gær. Hún hágrét í símann "Mig langar í þig mamma!!!! AF HVERJU kysstirðu okkur ekki bless, mamma'??" Úff, hún veit sko aaaalveg hvernig á að stinga mann í hjartað ;o)

Gisti í nótt hjá Þórunni og Jóa og kem svo aftur til þeirra á föstudaginn - ekkert smá gaman að hitta þau öll aftur - þetta var fjölskylda sem maður var alltaf með í DK og mjög skrýtið að sjá þau svo bara ekkert allt í einu. Gísli Hrafn meira að segja kommentaði á að hann öfundaði mig að hitta Sigurð Ragnar hehehe.

En já - ætla að svara vinnupósti og fjarstýra safninu aðeins frá Rvk ;o)

Later aligator